Ekainberri Zestoan (Gipuzkoa) dago kokatua, AP-8 autopistako 48 irteeratik 4 kilometrora, Donostiatik ordu erdira, Bilbotik 50 minutura eta Gasteiz eta Biarritzetik 60 minutura, autoz.
Ekainberriko aparkalekua Zestoako herrian bertan dago, Parking Ekainberri indikatzen duten trafiko seinaleekin (Sorazu Poligonoa).
1. Pausoa: Sarrerak erosi
Eros itzazu sarrerak www.ekainberri.eus webgunean. Bisitaren egunean zuzenean Ekainberrira joan zaitezke, parkinetik 20 minutuko ibilaldi atsegin batetan.
Sarrerak Ekainberriko Publikoarentzako Arreta Bulegoan ere eros daitezke presentzialki (Portale kalea 1, 20740 Zestoa), bisitaren ordua baino orduerdi lehenago, beranduenera. Aparkalekutik bulegorako bidea 5 minutukoa da oinez.
2. Pausoa: Oinezko 20 minutuko ibilaldia
Bisita Zestoan hasten da, Ekainberrirako 20 minutuko oinezko ibilaldi atsegin batekin. Gozatu ezazu duela 14.000 urte Ekaingo zaldiak margotu zituzten gizakiak bizi izan ziren ingurune natural ikusgarrirainoko ibilbideaz.
3. Pausoa: Ekainberriko langileek sarrera balidatuko dizute, bisita baino 5 minutu lehenago.
4. Pausoa: Zure Ekainberriko esperientziaz gozatu dezakezu.
Sarrera erosketan kontuan izateko: Ekainberriko esperientzia bat eta Lili Jauregiko bisita bat konbinatu nahi izanez gero, kontuan izan esperientzia bakoitzaren iraupena eta gune batetik bestera joateko behar duzun denbora, ordutegiak bateragarriak izan daitezen eta ez dezaten elkarrekin talka egin. Haurrek heldu batekin joan beharko dute beti.
Ohar garrantzitsuak. Irakurri honako oharrak:
- Gogoratu ezingo duzula autoz iritsi Ekainberrira. Mugikortasun arazoak dituzten pertsonek: Ekainberrirekin kontaktatu erreserba egitean. Hala eskatzen duten mugikortasun urriko bisitariei ibilgailuz sartzeko aukera emago zaie. Plaza mugatuak.
- Ekainberrin debekatuta dago animaliak sartzea, horrela behar duten eta aurrez jakinarazten diguten txakur-gidak behar dituzten pertsonek izan ezik.
- Mesedez, puntualak izateko eskatzen da.
- Erreplikak gutxi gorabehera 18 graduko tenperatura du, % 60ko hezetasuna.
